查看完整版本: 自己嚇自己~慘案

自己嚇自己~慘案

以下既..只係我自己既個人感受...
但唔知會唔會比大家都思考一下~
唔係故仔..如果離題..或者覺得太無聊..
希望請見諒!

黎得呢度(鬼故事) 多..
上網又睇得多血淋淋既相
有時報紙講既血案家庭慘案又繪聲繪影圖文並茂
宜家對於一d 恐怖野
其實都真係冇太大感覺~
但前晚我自己諗既野..真係嚇親自己
有很強烈既恐懼感~

前晚...我訓唔著..係度幻想:

如果有一日..我返緊工
突然..公司同事接到電話..
跟住同事叫我冷靜d...要有心理準備咁接受一個現實~
呢個現實..就係我家人發生血案..
人物關係同細節點都好..可能細佬斬死阿爸阿媽再跳樓~
跟住我返到屋企..
好多差人係度..地下血淋淋..
仵工已經把屍體移走..但係差人要我去看看遺體
完成好一切手續
全間屋..只係淨係我一個人
冇人會咁好人幫我沫好地下d 血
我可能會申請搬..
短期可能會搬去親戚朋友度住
但始終..屋企好多野都係要自己去執
唔係有錢人..屋企既電視電腦都要要返...
但係本來好熱鬧既屋企..就淨係自己一個係度沬血~
仲要諗之後既生活...

越諗...就越恐怖~

跟住..我就問自己...
點解我會鍾意將人地既悲劇當做故事黎睇
(我好老實..我真係好鍾意睇呢d 恐怖故事..或者疑案..危險人物個d...
如果唔係..就唔會日日都黎睇下有冇新post)
以上既..只係我既幻想..
但絕對可能係另一個人經歷緊或者經歷過既野~

唔知lu~...發表完感受了~