~火女~ 2006-3-25 06:27 AM
我應該點做先岩?..*
有一個同我分開左既男仔．．．係佢主動話分手既．．．
佢對我感情淡．．同埋覺得我性格唔岩佢∼覺得我成日管佢迫佢∼冇俾空間佢
分開左之後．．．我同佢都仲有曖昧既關係２個月．．．．
分開左之後．．佢都有鍾意過第個女仔．．不過可能有人地唔鍾意佢．．所以佢同果個女仔冇一齊到．．
後來．．．．我決定唔同佢曖昧．．．唔同佢見面．．．（分手之後我都仲係好鍾意佢的）
我就開始好少搵佢．．好少打俾佢．．．唔見佢∼我用呢ｄ時間去改變自己既性格．．．
個半月之後．．我同佢玩同一隻ｏｎｌｉｎｅ ｇａｍｅ∼所以聯絡多返少少
佢．．．開始搵好多藉口（幫佢汁房，買野俾佢食，幫佢洗公仔，因為呢ｄ野我以前幫佢做開）想見我．．．
但一直唔講話掛住我＆想見我．．呢ｄ說話．．．
日日都問我好好多次幾時黎＆聽日黎 呢ｄ說話
我係ｇａｍｅ同佢講：我話過你掛住我 我先會見你
咁佢就話．．咁你唔好過黎黎
但隔左唔夠一日．．．佢又重複問我幾時過黎．．．．
問佢係咪掛住我 佢就話：唔係丫 冇人陪好悶丫 你黎唔黎丫
隔一日我又問佢係咪掛住我，佢話：唔掛．．你過黎先掛
我一直都想同返佢一齊．．．想補救．．．．
但佢就一直示意．．．冇打算同返我一齊．．．
咁我就話佢：我做乜要幫你？我又唔係你邊個∼又唔係阿４∼
你冇打算同返我一齊∼又未有打算慢慢鍾意返我∼但又想得到我為你付出既事？？
我會好洩底既ｗｏ．．．為你付出咁多．．．．
我知佢絕對係因為耐冇見我（個半月）．．所以想見我的．．．但佢一直都唔去示意
同埋我知．．．冇我為佢付出．．佢係有ｄ唔慣．．．
雖然．．我同佢一齊左只有１年．．．但就有４年互相鍾意對方既感情．．４年我都係不停對佢好好∼為佢付出
佢話過：邊個話付出一定要有回報
佢呢句野．．．我當堂啞晒．．．．
我真係唔知．．佢仲值唔值我為佢付出？係咪鍾意一個人唔介意有咩結果，都心甘情願為佢付出？
佢冇打算鍾意返我．．咁我又為佢付出咁多．．．
咁第時有咩事．．．咁我咪會好傷？？
我係應該，等到佢慢慢鍾意返我∼先再為佢付出？
定係．．．而家再為佢付出．．直到佢鍾意返我唯止？？
我真係唔知點算好．．．．
雲欿飛 2006-3-25 06:52 PM
第一..我覺得個男仔有d怪 佢話佢掛住你 想見你 但係又唔鍾意你...
第二..我覺得你唔應該幫佢 因為你幫左佢一次 佢就想你幫佢第二次 咁就變左佢啊4 ..
我想問你...你依家重有冇鍾意佢牙? ??
~火女~ 2006-3-25 08:01 PM
[quote]原帖由 [i]雲欿飛[/i] 於 2006-3-25 06:52 PM 發表
第一..我覺得個男仔有d怪 佢話佢掛住你 想見你 但係又唔鍾意你...
第二..我覺得你唔應該幫佢 因為你幫左佢一次 佢就想你幫佢第二次 咁就變左佢啊4 ..
我想問你...你依家重有冇鍾意佢牙? ?? [/quote]
佢冇話過佢掛住我~我問佢~佢都話冇
佢而家未鍾意返我..我就等到佢鍾意返我唯止...
佢只係想見我所以搵藉口見我...
我仲係好鍾意佢..好想補救同佢既感情...
雲欿飛 2006-3-28 04:07 PM
哦~咁你可以得既~~咁你覺得佢值唔值得你等佢先??如果你覺得值得咪等lo~(呢d都係我覺得^^)